Bitget tomonidan Xavfsizlik Ogohlantirishi: Pul Omboridagi Firibgarliklardan Qanday Himoyalanish Kerak

Bitget platformasida foydalanuvchilar xavfsizligi bizning ustuvor vazifamiz hisoblanadi. Yaqinda, sanoatda depozit firibgarliklari ko‘payib ketdi. Bu muammo ayniqsa Rossiyadagi foydalanuvchilar orasida keng tarqaldi: firibgarlar yolg‘on kampaniyalar tashkil qilib, odamlarni qalbaki manzillarga pul kiritishga chorlashmoqda (bu holatda, firibgarlik manzili sifatida 'bitgetserver' markirovkasi ishlatilgan). Ushbu maqolada bu firibgarliklar qanday ishlashi, firibgarlar qanday usullardan foydalanishi va o‘z mablag‘laringizni ushbu sxemalardan himoya qilish uchun qanday choralar ko‘rishingiz mumkinligi haqida ma’lumot beramiz.

Firibgarlik qanday amalga oshiriladi?

Telegram kanali orqali TLOS asosiy tarmog‘ini sinash haqida xabar tarqatilishini va bir turdagi airdrop taklif qilinishini ko‘ramiz: tranzaksiya amalga oshirilganda, birja yuborilgan summani yuqori qiymatga ega token bilan oshirib beradi. Foydalanuvchilarga tranzaksiya birjalar ichidagi o‘z akkauntlari o‘rtasida amalga oshirilishi aytilgan. Dastlabki kichik tranzaksiyalar muammosiz o‘tgan, lekin katta miqdorli tranzaksiya qandaydir sabablarga ko‘ra amalga oshmagan. Keling, tafsilotlarga to‘xtalamiz.

1. Soxta Ilova Ichidagi Xabarlar

Firibgarlar birinchi navbatda Bitgetdan kelgan kabi ko‘rsatilgan soxta xabarlarni tuzadi va tarqatadilar. O‘zgartirilgan rasm va matnlardan foydalangan holda, bu xabarlar rasmiy Bitget kommunikatsiyasiga o‘xshash qilib tayyorlanadi va norasmiy chat kanallari (Telegram) orqali Bitget foydalanuvchilariga yuboriladi hamda ularni firibgarlik kampaniyasida ishtirok etishga chorlashadi.

2. Firibgarlar o‘zlarini Bitget xodimi qilib ko‘rsatadi

Foydalanuvchi javob qaytargandan so‘ng, firibgarlar ularga bevosita bog‘lanib, o‘zlarini Bitget xodimi sifatida tanishtiradi. Ular, "depozit kampaniyasida" ishtirok etishni va foydali shartlar taqdim etilishini va’da qiladi.

Shuningdek, foydalanuvchidan Bitget platformasidagi depozit manzilini so‘rab, firibgarlik sxemasini rasmiy tusga kiritishga urinishadi — Bitget xodimi hech qachon sizdan depozit manzili yoki moliyaviy shaxsiy ma’lumotlarni HECH QACHON so‘ramaydi.

3. Kichik Depozitlar Orqali Ishonch Qozonish

Foydalanuvchini firibgarlik manziliga (bu holatda 'bitgetserver') kichik miqdorli depozit qilishga ko‘ndirib (yubortib), firibgarlar foydalanuvchining Bitget akkauntiga biroz kattaroq "mukofot" miqdorida token tashlab qo‘yishadi. Bu usul ishonchni oshirish va foydalanuvchini keyingi, yana-da katta depozitlar qilishga undash uchun qo‘llanadi, go‘yoki har safar katta mukofot beriladi deb ishontirishadi.

4. Yakuniy Firibgarlik

Firibgarlik eng yuqori bosqichga chiqqanda, foydalanuvchi yana-da katta miqdordagi depozitni soxta manzilga yuborishga ko‘ndiriladi. Bu tranzaksiya amalga oshirilgach, "xodim" bilan bog‘lanish imkonsiz bo‘lib qoladi va barcha mablag‘ firibgar tomonidan o‘zlashtirilgan bo‘ladi.

Ko‘pincha, shundan keyin foydalanuvchilar ular firibgarlikka uchraganini tushunib, yordam so‘rab Bitgetga murojaat qilishadi. Bizning xavfsizlik jamoamiz tezkor choralar ko‘radi va jabrlanuvchilardan qo‘shimcha ma’lumotlar so‘raydi. Ko‘plab hollarda firibgarlik aynan norasmiy kanallar — Telegram orqali, firibgarlar Bitget xodimi sifatida chiqib, soxta daromad sxemalarini taqdim etganidan boshlanganini tasdiqlovchi faktlar topiladi.

Bitget har bir firibgarlik holatiga jiddiy yondashadi va firibgarlarning manzillarini qora ro‘yxatga olish ustida ishlaydi, biroq Bitget platformasi tashqarisidagi soxta manzillarga yuborilgan mablag‘larni qaytarib olish juda murakkab bo‘lishi mumkin.

Himoya Choralari

Quyidagi tavsiyalarga amal qilib, firibgarlikdan saqlanish va o‘z aktivlaringizni xavfsiz saqlashingiz mumkin:

● Xususiy xabarlarga javob bermang, xavfsizlik choralarini kuchaytiring, har qanday shubha tug‘ilganda davom etmang;

● Bitget birjasida depozit manzili va memo ni har doim to‘g‘ridan-to‘g‘ri tekshiring;

● Faqat rasmiy kanallar (Bitget ilovasi va Bitget sayti) orqali yordam so‘rang.

Depozit Manzillarini Har Doim Tekshiring

Hech qanday depozit yuborishdan avval rasmiy Bitget depozit sahifasidan foydalanib, wallet manzili hamda kerak bo‘lsa memo ni tasdiqlang. Rasmiy Bitget kanallari orqali tekshirilmagan manzillarga mablag‘ yubormang.

URL-larni har doim ikki marta tekshiring va faqat rasmiy Bitget domeniga ishoning: www.bitget.com .

Ilovani faqat rasmiy platformadan yuklab olayotganingizga ishonch hosil qiling.

Email, vebsayt yoki ijtimoiy tarmoq akkauntingiz Bitgetning rasmiy kanaliga tegishli yoki yo‘qligini Bitget Official verification page orqali tekshirishingiz mumkin.

Kutilmagan xabarlardan ehtiyot bo‘ling

O‘zini Bitget xodimi sifatida tanishtirgan insonlardan, ayniqsa Telegram kabi norasmiy kanallar orqali bo‘lsa, ehtiyot bo‘ling. Shaxsiy yoki moliyaviy ma’lumotlarni talab qiluvchi xabarlar ayniqsa xavfli. Eslatib o‘tamiz, Bitget vakili HECH QACHON bunday ma’lumotlarni so‘ramaydi.

Tasdiqlanmagan manzillarga mablag‘ yubormang

Agar sizdan noma’lum manzilga mablag‘ yuborish so‘ralgan bo‘lsa, eng yuqori darajada ehtiyotkor bo‘ling. Kryptovalyuta ni tasdiqlanmagan manzillarga yuborish aktivlaringizni butunlay yo‘qotishga olib kelishi mumkin. Agar bir taklif haddan tashqari yaxshi ko‘rinsa, ehtimol bu firibgarlikdir!

Shubhali harakatlarni xabar bering

Agar sizga firibgar murojaat qilganiga shubha qilsangiz yoki shubhali faoliyatga duch kelsangiz, zudlik bilan bu haqida Bitgetga xabar bering. Tezkor xabar orqali boshqalarni ham shunga o‘xshash firibgarliklardan ogohlantirish mumkin.

Firibgarlar usullarini doim o‘zgartirib borayotgan bir paytda, doim ogoh va xabardor bo‘lish muhim. O‘zingizni firibgarlikdan himoya qilish bo‘yicha batafsil ma’lumot uchun, bizning Firibgarlikka Qarshi Qo‘llanma sahifamizga tashrif buyuring.

Bitget doim shaffoflik va foydalanuvchi xavfsizligini ustuvor deb biladi va barcha foydalanuvchilarni akkauntlarini faollik bilan himoyalashga chaqiradi. Xavfsiz bo‘ling va har doim ishonch hosil qilmaguningizcha harakat qilmang!