Manbalar: Tramp Fordowni yo‘q qilish zarur deb hisoblaydi, biroq Eronni urish bo‘yicha yakuniy qaror qabul qilmagan

CBS ma’lumotlariga ko‘ra, bir nechta manbalar AQSh prezidenti Trampga Eronning eng xavfsiz yadro inshooti — Fordowni bombardimon qilishning ijobiy va salbiy tomonlari haqida ma’lumot berilganini ma’lum qilgan. Uning fikricha, qisqa vaqt ichida qurol ishlab chiqarish xavfi mavjudligi sababli, ushbu inshootni yo‘q qilish zarur. Bir manba shunday degan: “Trampning fikricha, ko‘p variant yo‘q. Missiyani bajarish — Fordowni yo‘q qilish degani.” Chorshanba kuni yuqori lavozimli razvedka manbasi va Pentagon rasmiysi Tramp seshanba kuni kechasi Eronni nishonga olish rejasini ma’qullaganini, biroq mamlakatga hujum qilish va rasmiy ravishda Isroilning havo hujumlariga qo‘shilish bo‘yicha yakuniy qaror qabul qilmaganini aytdi. Manbalar Tramp zarur bo‘lsa, inshootni yo‘q qilish uchun AQShni operatsiyaga jalb qilishga tayyorligini bildirdi. Payshanba tongiga kelib, u hali ham variantlarni ko‘rib chiqayotgan va aniq qarorga kelmagan edi. Manbalar, shuningdek, Tramp ko‘rib chiqqan variantlardan biri, agar Eron rahbarlari rozi bo‘lsa, Fordowni o‘zlari yopishlariga ruxsat berish bo‘lganini ham aytishdi.